Dateschutz

D'Donnéeë ginn am Aklang mam Reglement (EU) 2016/679 vum Europäesche Parlament a vum Rot vum 27. Abrëll 2016 iwwer de Schutz vun natierleche Persoune beim Traitement vu perséinlechen Donnéeën an iwwer de fräie Verkéier vun deenen Donnéeën (den "RGPD") a mam Gesetz vum 1. August 2018 iwwer d'Organisatioun vun der Nationaler Dateschutzkommissioun an dem allgemenge Dateschutzsystem (déi am Follgenden zesummen "Dateschutzgesetzer" genannt ginn) veraarbecht.

Wéi eng Kategorië vu perséinlechen Donnéeë ginn traitéiert? 

Jee nom Zil vum Traitement kënnen ënnerschiddlech Kategorië vu perséinlechen Donnéeën (d'"perséinlech Donnéeën") iwwer d'Benotzer vun de Servicer, déi vum INFPC ugebuede ginn (wann et sech bei de Benotzer ëm juristesch Persounen handelt, betrëfft den Traitement hir Dirigeanten, DRHen, fir d'Formatioun responsabel Persounen oder hir Vertrieder), an iwwer d'Zilgruppen, déi vun dëse Servicer betraff sinn (déi "betraffe Persounen"), vum INFPC erhuewen, gespäichert a benotzt ginn. D'Perséinlech Donnéeën ëmfaassen haaptsächlech:

• Donnéeë fir d'perséinlech Identifikatioun: Virnumm, Numm, Geschlecht, Alter, Foto, Matricule;
• berufflech Donnéeën: berufflech Adress, Funktioun;
• Donnéeë fir d'elektronesch Identifikatioun: E-Mail-Adress, Benotzernumm a Passwuert;
• Donnéeën, déi mam Benotze vun den Internetsitten infpc.lu a lifelonglearning.lu zesummenhänken (besichten Internetsite, Zäitpunkt vun der Connexioun, Quell/Referenz, IP-Adress) an Donnéeën, déi mam Newsletter Formanews zesummenhänken (Domainer, déi de Benotzer am meeschten interesséieren);
• Donnéeën am Zesummenhang mat der Formatioun an der Qualifikatioun: ugestrieften Diplom, Diplom, deen de Kandidat huet.

Wien ass fir den Traitement verantwortlech? 

Den INFPC, den nationalen Institut fir d'Fërderung vun der berufflecher Weiderbildung, ass en ëffentlechen Etablissement a verantwortlech fir den Traitement vun de perséinlechen Donnéeën, déi am Kader vun den Ziler an Aktivitéiten, déi an dëser Politik beschriwwe ginn, traitéiert ginn.

Fir wéi eng Zwecker ginn d'perséinlech Donnéeë benotzt?

Den INFPC erhieft an traitéiert d'perséinlech Donnéeë fir follgend Zwecker:

• Beäntwere vun Informatiounsdemandë vun de Benotzer vu lifelonglearning.lu a vum Service Infoligne, der Telefonslinn, déi den INFPC fir Froen iwwert d'liewenslaangt Léieren ageriicht huet;
• Gestioun vun den Umeldungen an den Informatiounsdemanden am Zesummenhang mat Formatiounen, déi um Site lifelong-learning vun de Formatiounsinstituter, déi Member vun der Plattform sinn, presentéiert ginn;
• Verschécke vun der Newsletter Formanews a Gestioun vun de Preferenze vun den Abonnéen;
• Verschécke vun Dokumenter an Informatiounen un d'Formatiounsinstituter an un d'Entitéiten, déi Säll verlounen a Member vun der Plattform lifelong-learning.lu sinn, am Kader vun hirer vertraglecher Relatioun mam INFPC;
• Verëffentleche vum CV vu Formateuren, déi d'Allgemeng Notzungsbedéngunge vum Service "Formateurs-CV", deen den INFPC ubitt an deen iwwer d'Plattform lifelong-learning.lu accessibel ass, akzeptéiert hunn;
• Verschécke vun de Publikatioune vum INFPC: Informatiounen iwwer d'liewenslaangt Léieren a Statistiken, déi de Formatiouns-Observatoire erausgëtt. D'Zil vun dëse Publikatiounen ass et, déi betraffen Zilgruppen ze informéieren an d'liewenslaangt Léieren ze fërderen;
• Verschécke vun Invitatioune fir Evenementer, déi vum INFPC oder sengen institutionelle Partner organiséiert ginn;
• Organisatioun vun Evenementer, besonnesch vun Informatiounsveranstaltungen, an Zesummenaarbecht mat den institutionelle Partneren;
• Verbesserung vun der User-Experience op den Internetsitten infpc.lu a lifelong-learning.lu an Erstelle vu Statistiken iwwer d'Visitten um Site (Cookien);
• Iwwerpréiwung, fir de Ministère fir Educatioun, Kanner a Jugend, vun de Kofinanzementsdemandë fir d'berufflech Weiderbildung, déi d'Entreprisen erareechen.

Den Traitement baséiert um Artikel 6 vum RGPD. Dësen Artikel erkläert all Traitement fir legitim, deen:

• fir d'Exekutioun vun engem Vertrag néideg ass (Artikel 6.1.b vum RGPD) (mam Zil, eng vertraglech Relatioun mat senge Benotzer opzebauen an hinnen déi gefrote Servicer ze bidden);
• fir d'Erfëlle vun enger gesetzlecher Verflichtung, där d'Persoun, déi fir den Traitement verantwortlech ass, ënnerläit (Artikel 6.1.c vum RGPD);
• am Kader vun der Exekutioun vun enger Missioun am ëffentlechen Interêt (Artikel 6.1.e vum RGPD).

Besonnesch Traitementer am Kader vum Erfaasse vun der Frequentatioun an der Verbesserung vun der User Experience

Fir Är User Experience ze optiméieren, d'Frequentatioun ze suivéieren a seng Internetsitten ze verbesseren, benotzt den INFPC follgend Instrumenter: Google Analytics, YouTube a Google Maps. Consultéiert w.e.g. d'Dateschutzbestëmmunge vu Google, wann Dir méi doriwwer wëllt gewuer ginn.

Wann Dir infpc.lu a lifelong-learning.lu consultéiert, gitt Dir iwwer den Asaz vu Cookien, déi fir d'Navigatioun a fir d'Erstelle vu Frequentatiounsstatistiken néideg sinn, informéiert.

Dir kënnt d'Parametere vun de Cookien zu all Moment an Ärem Browser änneren.

Präsenz an de sozialen Netzwierker

Den INFPC ass a verschiddene sozialen Netzwierker, wéi Facebook, Twitter a LinkedIn, präsent.

Fir Iech iwwer d'Politik am Zesummenhang mat der Benotzung a mam Traitement vu perséinlechen Donnéeë vun dëse Plattformen ze informéieren, consultéiert wannechgelift déi follgend Säiten: Facebook, Twitter, LinkedIn.

Besonnesch Traitementer am Zesummenhang mat den Umeldunge fir Evenementer, déi vum INFPC organiséiert ginn

Ufroe fir Informatiounen ze kréien an d'Umeldunge fir d'Formatioune ginn un dat jeeweilegt Formatiounsinstitut weidergeleet. D'Institut engagéiert sech, d'Donnéeën, déi iwwermëttelt goufen, am Aklang mat den Dateschutzgesetzer ze traitéieren.

Fir d'Umeldunge fir seng Evenementer ze geréieren, benotzt den INFPC Jotform. Fir méi doriwwer gewuer ze ginn, consultéiert wgl. d'Dateschutzpolitik vun Jotform.

Ginn d'perséinlech Donnéeën un Drëttpersoune weidergeleet? 

Fir d'Servicer ze erbréngen, déi vun de betraffene Persoune gefuerdert ginn, a fir d'Missiounen ze erfëllen, mat deenen den INFPC beoptragt ass, kann den INFPC ënner Ëmstänn perséinlech Donnéeën un Drëttpersounen iwwerdroen am Kader vun:

• der Sous-Traitance fir d'Verschécke vu Publikatiounen oder Invitatioune fir d'Evenementer vum INFPC oder sengen institutionelle Partner;
• enger Ufro no Informatiounen oder enger Umeldung fir eng Formatioun, déi op lifelong-learning verëffentlecht ass. D'Donnéeë ginn un dat betraffent Formatiounsinstitut iwwerdroen, fir datt dëst op d'Ufro äntweren oder d'Aschreiwung confirméiere kann;
• der Organisatioun vun Evenementer, besonnesch vun Informatiounsveranstaltungen, an Zesummenaarbecht mat den institutionelle Partneren. D'Donnéeë kënnen, fir organisatoresch Zwecker an de Suivi, un d'Partneren vum Projet weidergeschéckt ginn;
• der technescher Sous-Traitance, z. B. am Fall vu Prestatairen am Beräich vun der Informatik (Fournisseure fir den Hosting vun Internetsitten, Fournisseure vu Comptabilitéitssoftware, Fournisseure vu Gestiounssystemer fir Kontaktdatebanken...);
• der Iwwerpréiwung vun de Kofinanzementsdemandë fir d'berufflech Weiderbildung. D'Donnéeë ginn un de Ministère fir Educatioun, Kanner a Jugend weidergeleet, fir op d'Demandë vun den Entreprisen ze äntweren, déi eng staatlech Bäihëllef fir d'Formatioun ufroen.

Am Sënn vun den Dateschutzgesetzer sinn dës Déngschtleeschtungsorganismen Destinatairë vu perséinlechen Donnéeën (d'"Destinatairen"). Et ka virkommen, datt dës Destinatairen den Traitement vun de genannte perséinlechen Donnéeën ënnert hirer eegener Verantwortung un hir Mataarbechter oder un hir eegen Déngschtleeschter (d'"Sous-Destinatairen") ofginn, déi hirersäits dës Donnéeën nëmme mam Zil traitéieren, den Destinatairë bei der Erbréngung vun Déngschtleeschtunge fir den INFPC ze hëllefen an/oder den Destinatairë beim Erfëlle vun hire gesetzleche Verflichtungen ze hëllefen.

Wou befanne sech d'Destinatairen an/oder d'Sous-Destinatairen, un déi d'perséinlech Donnéeë weidergeleet ginn? 

D'Destinatairen an d'Sous-Destinatairë kënne sech am Europäesche Wirtschaftsraum ("EWR") an ausserhalb vum EWR befannen.

Wa perséinlech Donnéeën un Destinatairen oder Sous-Destinatairen iwwermëttelt ginn, déi sech an engem Drëttland vum EWR befannen, dat keen adequate Sécherheetsniveau fir d'perséinlech Donnéeë bitt, da ginn d'Donnéeën op der Grondlag vu vertragleche Standardklauselen, déi vun der Europäescher Kommissioun zougelooss sinn, iwwermëttelt.

All betraffe Persoun huet d'Recht ze fuerderen, datt den INFPC hir eng Kopie vun dëse vertragleche Standardklausele virleet, andeem si eng entspriechend Ufro per E-Mail oder per Post u follgend Adresse riicht:

• dpo@infpc.lu
• INFPC
  Institut national pour le développement de la formation professionnelle continue
  À l’attention du Délégué à la protection des données (DPO)
  Immeuble CUBUS C2
  2, rue Peternelchen
  L-2370 Howald

D'Destinatairen, respektiv d'Sous-Destinatairen traitéieren d'perséinlech Donnéeën als Sous-Traitanten (wa si op Uweisung vum INPFC handelen) oder als separat Responsabel fir den Traitement (wa si perséinlech Donnéeë fir hir eegen Zwecker, d. h. fir hir eege Besoinen an am Hibléck op d'Erfëlle vun hiren eegene gesetzleche Verflichtungen traitéieren). D'perséinlech Donnéeë kéinten och, am Aklang mat de Gesetzer a Reglementer, déi an deem Beräich gëllen, un d'Verwaltung an un d'ëffentlech Autoritéiten, dozou zielen och d'Steierämter, iwwermëttelt ginn.

Wouhier stamen d'perséinlech Donnéeën, déi traitéiert ginn? 

D'perséinlech Donnéeën, déi traitéiert ginn, ginn direkt bei de Benotzer erhuewen, wann dës Informatiounen ufroen, sech fir eng Formatioun oder en Evenement umellen, oder am Kader vun enger vertraglecher Relatioun.

Si stamen och vu Persounen, déi, opgrond vun hirem Statut (Dirigeant, DRH, Responsabel fir d'Formatioun…), Entreprisen oder Gesellschafte vertrieden.

Wéi laang ginn d'perséinlech Donnéeë versuergt?

D'perséinlech Donnéeë gi versuergt, bis den Zweck, fir dee si erhuewe goufen, erfëllt ass. Si ginn deemno esou laang versuergt wéi et fir d'Erreeche vum Zweck, fir deen si traitéiert ginn, néideg ass, woubäi dësen Zäitraum vun de jeeweilege gesetzleche Verjährungsfristen ofhänkt.

Si kënnen och, wéi am Abschnitt ënnen iwwer d'Rechter vun de betraffene Persoune beschriwwen, op Ufro oder duerch Ofmelle geläscht ginn.

Wéi eng Rechter hutt Dir, wéi kënnt Dir se ausüben a wouhi sollt Dir Är Ufroen, fir Informatiounen ze kréien, hischécken?

Laut den Dateschutzgesetzer hutt Dir, als betraffe Persoun, d'Recht:

• op Är perséinlech Donnéeën zouzegräifen: Informatiounen iwwer den Traitement vun Ären Donnéeën ze kréien;
• d'Verbesserung unzefroen: ze erreechen, datt Är perséinlech Donnéeë geännert ginn, wa se falsch oder net vollstänneg sinn;
• d'Läschen ze fuerderen ("Recht op Vergiessen"): ze erreechen, datt Är perséinlech Donnéeë geläscht ginn;
• d'Aschränkung vum Traitement unzefroen: ze erreechen, datt Är perséinlech Donnéeë mat Aschränkungen traitéiert ginn;
• d'Iwwerdrobarkeet vun Äre perséinlechen Donnéeën ze fuerderen: déi iwwermëttelt perséinlech Donnéeën zougestallt ze kréien an hiren Transfert op Ufro ze erreechen;
• Iech ze opposéieren: Iech dem Traitement vun Äre perséinlechen Donnéeën ze opposéieren.

Dës Rechter si bannent de Limitte vun den Dateschutzgesetzer uwendbar.

Fir Är Rechter auszeüben, kënnt Dir eng E-Mail oder e Bréif u follgend Adress schécken:

• dpo@infpc.lu
• INFPC
  Institut national pour le développement de la formation professionnelle continue
  À l'attention du Délégué à la protection des données (DPO)
  Immeuble CUBUS C2
  2, rue Peternelchen
  L-2370 Howald

Zousätzlech zu den uewe genannte Rechter kënnt Dir och eng Plainte bei der Nationaler Dateschutzkommissioun (Commission nationale pour la protection des données - CNPD) op follgender Adress areechen: 15, Boulevard du Jazz, L-4370 Belvaux, oder, wann Dir an engem anere Memberstaat vun der Europäescher Unioun wunnt, bei der Kontrollstell, déi lokal zoustänneg ass.

Wéi ginn Är perséinlech Donnéeë geschützt?

Dem INFPC säin Zil ass et, Är perséinlech Donnéeën op déi sécherst Manéier an nëmmen esou laang wéi et fir d'Erfëlle vum Zweck vum Traitement, deen an dëser Politik beschriwwe gëtt, néideg ass, ze versuergen.

Am Aklang mat den Ufuerderunge vun den Dateschutzgesetzer ergräift den INFPC all physesch, technesch an organisatoresch Moossnamen, fir d'Sécherheet an d'Vertraulechkeet vun de perséinlechen Donnéeë sécherzestellen an, esouwäit wéi méiglech, all onerlaabten Zougrëff, Fälschung, Verbreedung oder Zerstéierung vun de perséinlechen Donnéeën ze verhënneren. Den INFPC ass net verantwortlech am Fall vu Force majeure, wéi z.B. enger Cyberattaque.

Aktualiséierung vun dësen Informatiounen

D'Informatiounen iwwer den Traitement vun de perséinlechen Donnéeë ginn esou oft wéi néideg en fonction vun den Traitementer, déi duerchgefouert ginn, an ëmmer am Aklang mat der gëlteger Legislatioun aktualiséiert.

Besonnesch Traitementer am Fall vu Recrutementer

Am Kader vun de Recrutementsprozedure verfüügt den INFPC iwwer perséinlech Donnéeë vu Persounen, déi hir Kandidaturen iwwer E-Mail oder per Bréif erageschéckt hunn. Dës perséinlech Donnéeë ginn nëmme fir d'Zwecker vum Recrutement traitéiert a spéitstens 12 Méint no hirem Empfang geläscht, ausser am Fall vum Accord vum Kandidat/vun de Kandidate, fir dës Informatioune méi laang ze versuergen.